RAI, reportazh për shëndetësinë në Shqipëri –Kthimet e mjekëve të rinj sollën cilësi
Televizioni italian RAI 3 i ka dedikuar një reportazh përmirësimeve të shërbimit shëndetësor në Shqipëri vitet e fundit. Kronika është shpërndarë në rrjetet sociale këtë mëngjes nga kryeministri Rama, i cili e përdori për të vlerësuar arritjet.
Gazetarja italiane shkon në Qendrës Spitalore Universitare “Nënë Tereza”, ku u prit nga një mjek ish-emigrant, i cili ka përfunduar studimet në Itali në Universitetin e Padovas dhe sot është rikthyer si shef i kirurgjisë. Sipas mjekut Altin Veshti, dikur fëmijët dërgoheshin për t’u operuar në Itali, ndërsa sot këto procedura mjekësore zhvillohen brenda vendit.
I pyetur mbi ecurinë e sistemit shëndetësor në Shqipëri, mjeku shprehet se është përmirësuar ndjeshëm, edhe për shkak të të rinjve që kanë sjellë përmirësime në cilësinë e trajtimit të sëmundjeve dhe në kërkimin shkencor.
Kronika ilustron me shembullin e një ndërhyrjeje që kërkon teknikë të cilësisë së lartë të bërë mbi një fëmijë 11 muajsh. Sipas mjekut, këto janë gjëra që as 6 vite më parë nuk bëheshin në Shqipëri.
Kronikën e plotë mund ta ndiqni në videon e mëposhtme:
MIRËMËNGJES 😃dhe me këtë kronikë kuptimplotë (që shyqyr e ka bërë RAI3 se ta kishte bërë ERTV do damkosej si propagandë😂)mbi përmirësimet e mëdha të shërbimit tonë shëndetësor vitet e fundit, apo edhe kthimet (jo vetem ikjet😊) e mjekëve specialistë në Shqipëri, ju uroj një ditë të mbarë 🌹
Posted by Edi Rama on Tuesday, July 10, 2018
SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.