Rajoni në Londër më 24 Shkurt/ BERZH mbledh liderët e 6 vendeve dhe sipërmarrës në samitin e investimeve
Ashtu si çdo vit, edhe këtë vit, në Londër, Banka Europiane për Rindërtim dhe Zhvillim do të organizojë samitin e investimeve të Ballkanit Perëndimor më 24 Shkurt. Në të do të jenë të pranishëm veç liderëve të të 6 vendeve të rajonit, si dhe drejtuesve të institucioneve të rëndisishme financiare, edhe sipërmarrës të ndryshëm nga shumë vende të botës, si dhe kryeministri kroat, Andrej Plenkovic.
Objektivi i samitit të këtij viti është që të evidentojë potencialet e investimet dhe shanset tregtare në vendet e rajonit si dhe për të promovuar projekte rajonale dhe ndërkufitrare.
Ndër temat kryesore të samitit do të jenë projektet rajonale, investimet, energjia, energjia e gjelbër dhe transporti. “Ballkani Perëndimor është një rajon me prioritet për bankën, e cila sot mbetet ndër investitorët më të mëdhenj në zonë, me thuajse 12 mld euro të investura”-thotë Berzh.
Ky samit shërben jo vetëm për tërheqjen e investimeve të huaja dhe tërheqjen e vëmendjes drejt rajonit, por edhe si një mundësi e mirë takimi mes liderëve të rajonit.
SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.