Rama: 2 milionë lekë për çdo familje që do të rregullojë vetë shtëpinë
Të gjitha familjet në fshat, të cilat duan t’i rregullojnë vetë shtëpitë e tyre, do të marrin një financim nga shteti në vlerën e 2 milionë lekëve.
Kryeministri Rama tha gjatë mbledhjes së jashtëzakonshme të së premtes, se ky vendim, vjen për të mos i lënë në pritje të gjatë ato familje, të cilat janë të gatshme të bëjnë vetë procesin e rindërtimit.
Vendimi nuk do të jetë i detyrueshëm për të gjitha familjet e dëmtuara, por vetëm për ato që do të paraqiten vetë.
“Të shikojmë me grupin e planifikimit pjesën tjetër të shtëpive. Në Tiranë dhe në Durrës po ashtu është gati të fillojë procesi i riparimeve, meremetimeve. Durrësi ka 12 kompani të cilat kanë bërë gati gjithçka. Duhet të unifikojmë procesin me Tiranën, 24 orë pa u zgjatur, por me supervizionim të rreptë nga ana jonë” shtoi Rama.
Jenida Vladi/ SCAN
Mbledhje e Jashtëzakonshme e Këshillit të Ministrave: • Mbyllet skema e pagesës 100% të qerave të apartamenteve, për familjet që nuk kthehen dot në shtëpi deri në përfundimin e rindërtimit ose meremetimit të banesave të tyre• Gati për të nisur sistemimin në apartament me qera të paguar nga shtetit të 65% të familjeve në Tiranë • Gati nisja e meremetimeve të pallateve të dëmtuara, nga një grup i parë firmash që i kanë ndërtuar ato pallate në TR&DR • Vëmendje maksimale familjeve në zonat rurale, për akomodimin në çadra dimërore. Procesi i vendosjes së tyre vazhdon intensivisht• Gati pagesa e dakordësuar me çmim shumë të arsyeshëm, për të gjitha strukturat hoteliere ku janë akomoduar familjet që kanë humbur strehën
Posted by Edi Rama on Thursday, December 5, 2019
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.
Artikujt e fundit
