Rama, apel bluzave të bardha – “Merrni bonusin për spitalet e rretheve, rroga ju shkon sa jashtë shtetit”
Pavarësisht se nuk pranon largimin e mjekëve dhe infermierëve, kryeministri Edi Rama ka ftuar profesionistët e shëndetësisë të shfrytëzojnë bonuset që jepet qeveria për të punuar në spitalet e rretheve.
Teksa foli gjatë një aktiviteti ku u prezantua flota e re me 32 autoambulanca, Rama tha se investimet do të vazhdojnë, pasi shërbimi është përmirësuar, por nuk është në parametrat e kërkuara.
Ndërkaq, ministrja e Shëndetësisë bëri një bilanc të investimeve 3-vjeçare në Urgjencën Kombëtare, të cilat kapin vlerën e 12 mln euro.
Sipas ministres, deri në vitin 2021 koha e përgjigjeve për thirrjet e urgjencës në zonat urbane do të arrijë 10-15 min, ndërsa në zonat rurale 20-25 min.
Ola Mitre/SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.