Rama apel qytetarëve: Jam i shqetësuar, karantina mund të rikthehet
Kryeministri Edi Rama përmes një mesazhi dërguar qytetarëve shqiptarë, në lidhje me Covid-19, deklaroi se duhen respektuar masat ndaj koronavirusit.
Ndër të tjera, Kryeministri ka theksuar se ekonomia dhe mund të ringrihet, por njeriu nuk mund të ringjallet.
Deklarata e plotë:
“Jam i shqetësuar nga situata për koronavirusin. Nuk dua që të kthej sërish situatën që ishim, me mbyllje. E di se ka vuajtje për bizneset dhe njerëzit. Nuk kam ndryshuar mendim. Ekonomia ngrihet dhe bie, njeriu vdes e nuk ngjallet më. Më vjen keq për ata qytetarë që nuk mbajnë distancat sociale të duhura. Nuk dua as ta mendoj, e nuk dua ta përmend fjalën karantinë, por nëse nuk ndryshojmë sjellje dhe rriten numrat e personave me koronavirus e rritet numri i njerëzve të intubuar, më vjen keq, por do duhej rikthim. Prandaj ju lutem, bëni gjënë e duhur, e keni vetë në dorë. Secili e ka në dorë të bëjë gjënë e duhur, të shkojë përpara, të shërohemi shpejt, të shërohemi nga plagët dhe të bëjmë atë që na takon”
D.B – SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.