Rama kërkon dialog me studentët: Të bisedojmë ballë për ballë, zgjidhni një përfaqësi
Kryeministri Edi Rama ka kërkuar të dialogojë me studentët. Nëpërmjet një dalje në facebook ai është shprehur se kërkon ti dëgjojë ballë për ballë të gjitha shqetësimet e studentëve.
“Një përshëndetje studentëve që sot janë përsëri në rrugë. Uroj që të keni dëshirën, jo vetëm për të protestuar por edhe vullnetin për të dialoguar. Sepse në rrugë dilet për të kërkuar vëmendjen e vendimmarrësve ndaj shqetësimit që ke. Ndërsa shqetësimi adresohet përmes dialogut me vendimmarrësit. Unë dua që ata ta dinë që kam shumë për të thënë, po patjetër që kam shumë dëshirë t’i dëgjoj, ballë për ballë. Pa censurë me opinionin publik, pa drejtues, pa administrator, pa pedagogë, pra studentët, studentët e zgjedhur nga protestuesit, sit ë duan dhe kë të duan, pa asnjë filtër partiak apo administrativë. Protesta në vetvete e ka pasur të garantuar pacenueshmërinë e statusit të qytetarisë së saj . unë ndihem shumë mirë për këtë dhe të them të drejtën po të mund të zgjidhja sot, do doja të isha edhe një herë studentë protestues jo kryeministër në zyrë. Po si kryeministër dhe si një protestues i dikurshëm, kam bindjen se duke dëgjuar njëri tjetrin me respekt qoftë kur jemi apo s’jemi dakord dhe në këtë rast duke u bërë bashkë për të shtyrë me forcë përpara modernizimin e arsimit të lartë në çdo aspekt. Ne mund ta përshpejtojmë dhe mund ta bëjmë shumë më mirë punën kolosale”.
Studentët ndodhen prej tre ditësh në protestë.
E.Z/SCAN
Lexo edhe këtë: Studentët vijojnë protestën, shtohen kërkesat
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.