Rama në forumin e Parisit: “Europa ta integrojë Ballkanin sa më shpejt”
Kryeministri Edi Rama mori pjesë në aktivitetin e zhvilluar në Paris, nën kujdesin e presidentit francez, Emmanuel Macron, të titulluar “Global Positive Forum”. Në forumin me temë, “Nxitja e ekonomive pozitive në vendet në zhvillim”, kryeministri Rama tha se, Shqipëria është shumë krenare për qytetarët e saj, që kanë dhënë kontribut në vende të tjera, si në art, në shkencë, teknologji, etj.
“Bashkëatdhetarët tanë kanë kontribuar shumë në lidhjen e Shqipërisë me botën. Disa prej tyre janë rithyer në shtëpi, duke sjellë me vete edhe eksperiencën. Po ju jap një shembull: të gjithë e njohim krizën financiare në Greqi. Shumë shqiptarë punonin në këtë vend. Por, me mbylljen e vendeve të punës për shkak të krizës, shumë prej tyre janë rikthyer në Shqipëri, duke investuar dhe duke sjellë edhe eksperiencën.”
Më tej Rama i ka bërë edhe një herë tjerër thirrje Bashkimit Europian t’a integrojë sa më shpejt Ballkanin perëndimor në union, pavarësisht daljes së Britanisë.
“Me apo pa Brexit, është një proces që duhet të vazhdojë. Ne jemi të rrethuar nga vendet e Bashkimit Europian. Jemi gjashtë vende në mes të Europës, të lidhura kulturalisht me botën që na rrethon, që aspirojmë marrëdhënie më të thella me këtë union.”
SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.