Rama në Gjermani, Merkel: Negociatat e pranimit, plotësoni parakushtet deri në qershor
“Që të hapen bisedimet për negociatat, Shqipëria duhet të plotësojë disa parakushte”, këtë deklaroi Kancelarja gjermane Angela Merkel, ndërsa shtoi se Gjermania është e angazhuar për të mbështetur integrimin e Shqipërisë dhe rajonit në BE.
“Që të hapen negociatat e pranimit, ka disa parakushte. Shqipëria ka plotësuar disa fortë. Ekzistojnë disa kushte për fillimin e negociatave të pranimit. Ne do të japim opinionin tonë përfundimtar gjatë javëve të ardhshme nëse ka ende gjëra për të bërë, nëse ka progres të mjaftueshëm dhe gjithashtu ta diskutojmë këtë me homologët tanë evropianë. Më lejoni të them në mënyrë eksplicite se Shqipëria ka nisur projekte të rëndësishme reformash dhe se është bërë përparim. Unë përmend këtu shqyrtimin e disa qindra gjyqtarëve dhe prokurorëve. Për shembull, biseduam për këtë gjatë vizitës së fundit. Kjo gjithashtu forcon sistemin ligjor në tërësinë dhe besueshmërinë e vet. Ne e dimë se tani kontrolli duhet të zgjerohet edhe në polici. Vetëm mund ta inkurajoj Kryeministrin të vazhdojë në këtë rrugë. Ka fusha të tjera për të cilat do të flasim, sundimi i ligjit në përgjithësi, por edhe lufta kundër korrupsionit dhe krimit të organizuar. Gjithmonë pajtohemi se nuk mund të bëjmë ndonjë favor, pasi në fund të fundit, kjo është me rëndësi të madhe për Shqipërinë dhe popullin e saj”.
Kryeministri Rama deklaroi se dhënia e rekomandimit ka hapur një tjetër fazë për Shqipërinë, ku ka shumë reforma dhe sfida.
“Ky është fundi i një faze dhe hapja e një faze tjetër. Ka shumë reforma, shumë sfida dhe shumë sakrifica na presin”.
ERTV Live?: Konferenca për shtyp përpara takimit me kancelaren Angela Merkel, që u pasua nga një bashkëbisedim shterrues mbi arritjet e sfidat e Shqipërisë, si edhe një shkëmbim idesh mbi zhvillimet në rajon, përgatitjet për Samitin e Sofies e të Londrës dhe pritshëmritë në Këshillin Europian të fundqershorit????????
Posted by Edi Rama on Wednesday, April 25, 2018
E.Z/SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.