Rama në grupin parlamentar të PS: Pas takimit me Macron më optimist, çështja “Xhafaj” destabilizuese
Kryeministri i Edi Rama në mbledhjen e grupit parlamentar të Partisë Socialistë u ndal në dy pika kryesore, në takimin me presidentin e Francës Emmanuel Macron një ditë më parë, dhe së dyti në çështjen e krijuar për ministrin e Brendshëm Fatmir Xhafaj.
Rama tha se vendimmarrja e Francës për çeljen e negociatave është në studim e sipër.
“Shqipëria ka miratuar çeljen e negociatave. Dje isha në Paris ku u takova me presidentin e Francës. Takimi që zgjati jashtë parashikimit, un mund t’iu them se dëgjova nga Macron fjalë tejet inkurajuese për Shqipërinë, reformën në drejtësi, procesin e vetingut, reformimi i policisë së shtetit, ndikimi në rajon, arritjet serioze në krimin kundër korrupsionit dhe me konsiderata të larta nga presidenti i Francës. Vendimmarrja e Francës është në studim e sipër. Sipas tij nuk është vetëm çështje Shqipërisë dhe Maqedonisë, por është çështja e negociatave për zgjerimin e BE. Jam më optimist pas takimit sesa para takimit. Por çelja e negociatave bëhet problem përballë opozitës. Kjo e fundit s’po le gur pa lëvizur dhe pabesi pa bërë. Po minojnë dhe po hedhin në erë negociatat”.
Duke u ndalur te çështja e dytë, kryeministri tha se është një maskaradë e mirëfilltë destabilizuese.
“Ministri i Brendshëm paska fshehur prej 6 vitesh dënimin me burg të vëllait në Itali për një vepër të kryer 15 vjet më parë. Ky sekret mafioz u shpërnda jo vetëm në median tonë e cila pati një shok amnezik por u shfaq në të gjitha faqet e facebook të kryeministrave të vendeve BE-së. Kam kërkuar ekspertizë shkencore dhe kam vënë në lëvizje burimet për hetim të mirëfilltë. Maskaradë e mirëfilltë destabilizuese e vënë në skenë për ti thënë Europës që ky është një vend ku ministria e Brendshme është organizata mëmë e trafikut të drogës”.
(vijon…) SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.