Rama në Moskë: Zgjidhja e konfliktit Rusi-Ukrainë, mbetet një nga prioritetet gjatë kryesimit të OSBE-së
Kryeministri i vendit, Edi Rama, gjatë një vizite zyrtare si Kryetar aktual i OSBE-së në Rusi ka takuar sot Ministrin e Jashtëm të federatës, Sergey Lavrov për të folur rreth konfliktit me Ukrainën. Ai ka bërë thirrje për paqe mes Rusisë dhe Ukrainës, duke shpresuar në kontributin e të gjithëve përfshirë dhe të palëve ndërmjetëse.
“Siguria në rajonin tonë është mjaft e brishtë. Njerëzit po vuajnë dhe natyrisht duhet të gjejmë motivin për të nxitur dialogun e vazhdueshëm. Kur OSBE u krijua 45 vite me parë kishte si principe kryesore pikërisht paqen dhe sigurinë. Rusia është pjesëmarrës kyç në një sërë formatesh negocimi të cilat punojnë për zgjidhjen e konflikteve në zonën e OSBE. Vij këtu me besimin se ju do të përdorni ndikimin tuaj në këto formate për të ecur sa më shumë që të jetë e mundur drejt asaj paqeje aq shumë të nevojshme. Kam mbetur i shokuar nga ato që pashë në Donbas, vuajtjet e njerëzve atje. Në të gjithë atë zonë njerëzit vuanin dhe ishin në kufijtë e mbijetesës”, u shpreh Rama.
Ai tha gjithashtu se Rusia duhet të bëjë më shumë nga ana e saj për zbatimin e paqes, ndërsa shtoi se të dy palët duhet të mendojnë më shumë për qytetarët e tyre, pavarësisht pretendimeve nëse janë ukrainas apo rusë.
KRYESIMI I OSBE NGA SHQIPËRIA🇦🇱Moskë – Takimi me Ministrin e Jashtëm të Federatës Ruse, Sergey Lavrov në cilësinë e Kryetarit të OSBE-së 🇦🇱🤝 🇷🇺
Posted by Edi Rama on Wednesday, February 26, 2020
SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.