Rama pret fermerët nga protesta – Kryeministri: “Ramë dakord që ndryshimi i qasjes së financimit nga qeveria është i duhuri”

Kryeministri Edi Rama ka mbajtur një takim gjatë ditës së sotme me një përfaqësi të fermerëve të cilët po protestonin sot para parlamentit kundër paketës fiskale.

“Debati në Kuvend me një grup fermerësh nga protesta dhe drejtuesin e tyre, kandidat për deputet i PD-së, ishte shumë më konstruktiv e i dobishëm se sa debatet në sallën e parlamentit, ku debatet sundohen nga akuzat, shpifjet e sharjet me natyrë personale”, ka shkruar Rama në faqen e tij zyrtare.

“Ramë dakord që ndryshimi i qasjes së financimit nga qeveria është i duhuri. Por kemi dallime për mënyrën e re të adresimit dhe për këtë do të takohemi së shpejti me mendje të hapur për të dëgjuar njëri-tjetrin”, njofton kryeministri.

“Përgjithësisht duhet ta dëgjojmë më shumë njëri-tjetrin dhe ky i sotmi është një shembull pozitiv për të gjithë ata që duan t’i zgjidhin problemet, e jo të bëjnë politikë të ulët me problemet”, ka thënë Rama.

SCAN

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.