Rama takim me Christian Danielsson, në fokus të bisedimeve ecuria e integrimit europian. Diskutohet edhe për Samitin e Triestes

Kryeministri Rama takoi paraditen e sotme Drejtorin e Përgjithshëm të KE, Christian Danielsson. Takimi mes kryeministrit dhe zyrtarit të lartë të KE kishte në fokus ecurinë e integrimit europian.

Gjatë bisedës me kreun e qeverisë shqiptare, Danielsson riafirmoi vullnetin e BE për të mbështetur perspektiven e Ballkanit Perëndimor në BE.

Biseda është fokusuar gjithashtu edhe te hapat për të koordinuar dhe përgatitur Samitin e vendeve të Ballkanit Perëndimor, samit ky që do të mbahet në Trieste në kuadër të procesit të Berlinit.

Osman Dedja/SCAN

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.