Rama, takim me ministrat e rinj – Diskutimi, mbi skemën e re qeverisëse dhe agjencitë
Kryeministri, Edi Rama, ka mbledhur kabinetin e ri qeverisës në një takim jo zyrtar në Vlorë. Takimi vjen një ditë pas shpalljes së emrave të ministrave të rinj dhe parashikohet të zgjasë dy ditë.
Në takim është i pranishëm edhe Gramoz Ruçi, emri i propozuar për kryetar Parlamenti dhe Taluant Balla, i propozuari për kryetar të grupit parlamentar të Partisë Socialiste. 6 janë pikat që po diskutohen në këtë mbledhje: ndarja e kompetencave, rregullimi i 104 drejtorive në varësi, shpërndarja e godinave ministrore, përgatitja e kuadrit të ri ligjor për të zbatuar skemën e re qeverisëse, hartimi i programit qeverisës dhe drejtimi i 5 komisioneve parlamentare nga PS.
Ndërkohë Referuar Kushtetutës së Shqipërisë, e më konkretisht neni 67, “Presidenti i Republikës mbledh Kuvendin e porsazgjedhur jo më parë se data e përfundimit të mandatit të Kuvendit paraardhës, por jo më vonë se 10 ditë pas mbarimit të këtij mandati”.
Pra, seanca e parë e Parlamentit të ardhshëm, do të jetë brenda periudhës 9-19 shtator, duke iniciuar kështu edhe puna e qeverisë së re.
Nertila Doko/SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.