Rama vizitë në Emiratet e Bashkuara Arabe, takime me zyrtarë të lartë. Diskutohet vendosja e një linje ajrore mes dy vendeve
Kryeministri Edi Rama zhvilloi një vizitë pune në Emiratet e Bashkuara Arabe, ku u takua me Kryeministrin Sheik Mohammed bin Rashid Al Maktoum.
Gjatë këtij takimi, kryeministri Rama theksoi nevojën për nxitjen e bashkëpunimit ekonomik mes dy vendeve, si edhe ftoi sipërmarrësit e Emirateve të Bashkuara Arabe të investojnë në Shqipëri.
“Me interes nga të dyja vendet shihen investimet në fushën e turizmit dhe infrastrukturës, sidomos në portet detare. Në takim u diskutua edhe për mundësinë e vendosjes së një linje ajrore të Emirateve të Bashkuara që të lidhë dy vendet”, thuhet në njoftimin e Kryeministrisë.
Nga ana e tij, Kryeministri Sheik Mohammed bin Rashid Al Maktoum falënderoi kreun e qeverisë shqiptare për vizitën, si dhe shprehu gatishmërinë për të nxitur investimet në vendin tonë.
SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.