Raporti i AAC – Rritet numri i kompensimeve për muajin maj. Kompania me shifrat më të larta
Autoriteti i Aviacionit Civil ka publikuar të dhënat e muajit maj për kompensimet e pasagjerëve në rast të vonesave dhe anulimit të fluturimeve.
Sipas të dhënave ka rezultuar se numri total i kompensimeve ka shkuar në 2397. Gjithashtu, krahasuar me muajin e kaluar AAC tha se ka një rritje të kompensimeve me 200.
Sipas njoftimit, kompania me numrin më të lartë të kompensimeve rezulton Blue Panorama, e ndjekur nga kompania Ernest dhe British Airways. Një numër i konsiderueshëm kompensimesh janë në proces.
Autoriteti i Aviacionit Civil, përsëriti apelin ndaj gjithë personave që kanë plotësuar një formular ankimimi që të kontaktojnë kompanitë ajrore për të ndjekur me tej procesin. Po ashtu me afrimin e sezonit turistik që regjistron edhe pikun e fluturimeve dhe problematikave në vonesa dhe anulime, AAC i ka bërë thirrje pasagjerëve që paqartësitë ose problemet me kompanitë ajrore të kontaktojnë sektorin për të drejtat e Pasagjerëve që AAC në Aeroport.
Gjithashtu njoftimi bëri me dije se pasagjerët që kanë plotësuar formularët e ankimimit dhe ka kaluar afati prej 6 javësh, të ri kontaktojnë përsëri kompanitë ajrore që kanë pasur fluturimin për tu njohur me statusin e fluturimit të tyre.
SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.