Raporti i shoqatës për humbjet ekonomike: Vetëm 13% e pronarëve me vendime të ’95 marrin atë që u takon
Shoqata e pronarëve, “Pronësi me Drejtësi” ka hartuar një raport mbi humbjen ekonomike të pronarëve që kanë vendime të vitit 1995. Gazeta “Panorama” citon raportin e shoqatës, sipas të cilit vetëm 13 % e pronarëve me vendime të ’95 marrin atë që u takon në të vërtetë. Gazeta shkruan se raporti do të bëhet publik në mënyrë të detajuar pas pak ditësh.
Bazuar në ligjin e ri për trajtimin e pronës, vendimet e dhëna ndër vite për kthim dhe kompensime pronash i janë nënshtruar një procesi rivlerësimi ku më pas përcaktohet edhe masa e re e kompensimit.
Ligji përcakton gjithashtu kompensim sipas zërit kadastral të kohës së shpronësimi, çka nënkupton se për rastet kur prona në momentin e shpronësimit ka pasur statusin e tokës bujqësore e me kalimin e viteve është transformuar në tokë truall, vlerësimi e kompensimi do të bazohet në statusin e parë, pra të tokës bujqësore. Kjo sjell një ulje të faturës për arkën e shtetit por nga ana tjetër sjell edhe penalizim për të shpronësuarin.
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.