Raporti i “The Economist Intelligence Unit” për Shqipërinë, Ahmetaj: Vlerëson suksesin e reformave të ekonomisë shqiptare
Ministri i Financave, Arben Ahmetaj ka komentuar në rrjetet sociale, raportin e “The Economist Intelligence Unit” ku sipas tij për tremujorin e parë të vitit 2017 vlerëson suksesin e reformave të ekonomisë shqiptare, të reflektuar në shifrat tejet pozitive të treguesve kryesorë ekonomikë.
“The Economist Intelligence Unit, në raportin për Shqipërinë në tremujorin e parë 2017, vlerëson suksesin e reformave të ekonomisë shqiptare, të reflektuara në shifrat tejet pozitive të treguesve kryesorë ekonomikë.
Duke e vënë theksin tek rëndësia e zbatimit të Reformës në Drejtësi, raporti vlerëson se hapi tjetër menjëherë pas fillimit te zbatimit të saj, është hapja e negociatave për anëtarësimin në BE” shkruan Ahmetaj në FB, referuar raportit.
Nga ana tjetër, sipas Ahmetajt, EIU vlerëson se periudha afatshkurtër në vijim, do të njohë përshpejtim të rritjes ekonomike si dhe ulje të mëtejshme të borxhit publik dhe deficitit fiskal
“Po kështu, duke theksuar nevojën e vendit për vazhdimin e rrugës së nisur të reformave nga kjo qeveri edhe pas 18 qershorit, krahas vazhdimit të konsolidimit fiskal, EIU vlerëson se periudha afatshkurtër në vijim, do të njohë përshpejtim të rritjes ekonomike si dhe ulje të mëtejshme të borxhit publik dhe deficitit fiskal. Jemi në drejtimin e duhur për të çuar përpara Shqipërinë që duam”, shkruan Ahmetaj.
The Economist Intelligence Unit, në raportin për Shqipërinë në tremujorin e parë 2017, vlerëson suksesin e reformave të…
Posted by Arben Ahmetaj on Sunday, April 30, 2017
Osman Dedja/SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.