Rast i pazakontë në Itali: Nga rubinetet e shtëpive rrjedh verë e kuqe në vend të ujit! (VIDEO)
Sipas mediave lokale të qytetit të Modenas në Itali, ka ndodhur një ngjarje shumë e pazakontë nëpër rubinetat e shtëpive të cilat filluan të rridhnin verë të kuqe ne vend të ujit. Nuk ishte ujë i ndryshkur nga gypat, apo diçka e ngjashme por verë e kuqe e zonës e quajtur Lambrusco.
Sipas organeve përkatëse të vendit, bëhet fjalë për një defekt të ndodhur në njërën nga siloset e bodrumit. Vera përfundoi kështu në gypat e ujësjellësit dhe, falë presionit më të lartë, në krahasim me atë të ujit, ajo filloi të qarkullojë nëpër tubat e ujit të pijshëm që përfundojnë në disa shtëpi, të cilat ndodhen në afërsi të bodrumit.
Pas incidentit u njoftua menjëherë Hera (Holding Energia Risorse Ambiente) për situatën e cila dërgoi teknikët e saj për të zgjidhur defektin. (lastampa)
E . S / SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.