Ratifikohet Traktati i ri i ekstradimit me SHBA – Gjonaj: Shtohen në listë krimet me karakter financiar, tatimor, doganor, apo korrupsion

Kuvendi ka miratuar të enjten Traktatin e ri të Ekstradimit me Shtetet e Bashkuara të Amerikës, i cili do të zëvendësojë pas 87 vjetësh, marrëveshjen që ka qenë në fuqi deri tani të nënshkruar në vitin 1933.

Ministrja e Drejtësisë Etilda Gjonaj tha se Traktati i ri zgjeron dhe përditëson kategoritë e veprave penale për të cilat mund të kërkohet ekstradimi nga palët, duke përfshirë tashmë edhe veprat penale më të reja si ato me karakter financiar, tatimor, doganor, korrupsionin, veprat mjedisore, apo veprat në fushën informatike.

Traktati i ri i ekstradimit midis dy vendeve u nënshkrua më 22 Dhjetor 2020 nga Ambasadorja e Shteteve të Bashkuara në Tiranë Yuri Kim dhe Gjonaj, duke I hapur rrugë vijimit të procedurës për ratifikimin e tij në Kuvend.

Lorenc Rabeta / SCAN

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.