Reagimi i Kinës: Me shpërthimin e luftës në Europë, Pekini fajëson SHBA-në!

Ndërsa raketat ruse fluturuan nëpër qiellin e Ukrainës të enjten dhe liderët botërorë dënuan një pushtim që po përhapej në të gjithë vendin, Kina refuzoi të dënonte hapat e Rusisë, ndërkohë që dukej se fajësonte Shtetet e Bashkuara dhe aleatët e saj.

Pekini e gjen veten në një pozitë komplekse ndërsa pushtimi rus ndaj fqinjit të saj intensifikohet, duke pasur nevojë të balancojë një partneritet të ngushtë strategjik me Moskën me politikën e saj në dukje kontradiktore të mbështetjes së sovranitetit shtetëror.

Një zyrtar i qeverisë kineze të enjten anashkaloi pyetjet nëse do të dënonte veprimet e Rusisë apo do ta konsideronte atë një “pushtim”.

Në vend të kësaj, Ndihmësministrja i Jashtëm i Kinës Hua Chunying — ecila përsëriti linjat e palëkundura në lidhje me kërkimin e paqes përmes dialogut dhe tha se situata nuk ishte “ajo që ne do të shpresonim të shihnim” — shpejtoi të drejtonte gishtin nga SHBA, duke nënkuptuar se Uashingtoni ishte një “fajtori” për “ndezjen e flakëve”, duke iu referuar paralajmërimeve të SHBA në javët e fundit për një pushtim të afërt.

“Kina ka marrë një qëndrim të përgjegjshëm dhe i ka bindur të gjitha palët që të mos përshkallëzojnë tensionet ose të nxisin luftën… Ata që ndjekin shembullin e SHBA-së në ndezjen e flakëve dhe më pas ia zhvendosin fajin të tjerëve janë vërtet të papërgjegjshëm,” tha ajo.

Komentet u bënë jehonë atyre të bëra një ditë më parë, përpara pushtimit, kur Hua fajësoi krizën “zgjerimin e NATO-s drejt lindjes deri në pragun e Rusisë”. “A ka menduar ndonjëherë për pasojat e shtyrjes së një vendi të madh në mur?” ajo tha.

Prania e Hua-s në konferencën të dyja ditët ishte në vetvete e pazakontë, pasi zëdhënësja veterane nuk kishte qenë në podium në konferencë të tilla që kur ajo u promovua në ndihmës ministre për punët e jashtme në tetor. Komentet e saj u shpërndanë gjerësisht në mediat zyrtare shtetërore të Kinës dhe platformat e mediave sociale, ku bisedat për Ukrainën dominonin mbulimin dhe bisedën. CNN

Edel Strazimiri / SCAN

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.