Reagon qeveria e Koresë së Jugut: Kim Jong Un është ‘shëndoshë e mirë’!

Udhëheqësi i Koresë së Veriut, Kim Jong Un është “shëndoshë dhe mirë”, kanë bërë me dije burime të brendshme të qeverisë së Koresë së Jugut.

Thashetheme qarkulluan kohët e fundit në lidhje me shëndetin e Kim pasi ai humbi festimin e 108-vjetorit të gjyshit të tij të ndjerë. Ngjarja përkujton ditëlindjen e Kim Il Sung, themeluesit të Koresë së Veriut dhe është një nga datat më të rëndësishme në kalendarin e vendit.

Kim nuk e kishte humbur ngjarjen e 15 Prillit që kur mori pushtetin në 2011 pas vdekjes së babait të tij Kim Jong Il, sipas The Associated Press. Por nuk u duk askund të Shtunën ndërsa vendi i tij përkujtoi Ditën e Fondacionit Ushtarak.

Ndërsa mediat shtetërore të Koresë së Veriut kanë heshtur për shëndetin e Kim dhe vendndodhjen, disa media kanë raportuar se ai po shërohej nga një operacion mjekësor.

Por të Dielën, Chung-in Moon, një këshilltar për politikën e jashtme të presidentit të Koresë së Jugut, Moon Jae-in, i tha Fox News: “Pozicioni i qeverisë sonë është i fortë. Kim Jong Un është shëndoshë e mirë.” Ndihmësi tha se Kim ka qëndruar në zonën Wonsan që nga 13 Prill, duke shtuar: “Asnjë lëvizje e dyshimtë nuk është zbuluar deri më tani”.

Kim nuk është parë në publik që nga 11 Prilli, por zyrtarët e Koresë së Jugut kanë vënë në dyshim raporte në lidhje me shëndetin e udhëheqësit të Koresë së Veriut, duke thënë se asnjë aktivitet i pazakontë nuk është zbuluar në Veri, sipas Reuters.

Zyrtarët e inteligjencës amerikane kanë thënë gjithashtu se nuk shohin asnjë shenjë të aktivitetit ushtarak të pazakontë që do të sugjeronte se diçka nuk ishte në rregull.(Newsweek)

E . S / SCAN

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.