Realizohen punimet në masën 40% – Belsh dhe Cërrik, më pranë aksesit të përbashkët në agroturizëm dhe qendrat urbane!
Sipas njoftimit të Fondit Shqiptar të Zhvillimit Shqiptar punimet në rrugën Grekan-Gjyrale kanë arritur 40% të realizmit dhe aktualisht po vijon puna për ndërtimin e mureve mbajtës dhe pritës si dhe në ngjeshjen e shtresës së çakullit.
Sipas njoftimit kjo rrugë më parë paraqiste një situatë kaotike në infrastrukturë, për shkak të dëmtimit të rrugës në raport me lëvizjet ditore nga banorët e zonës, përfshirë këtu mjetet bujqësore dhe ato personale, për të marrë shërbimet bazë në qendrat urbane.
‘Ndërhyrja në këtë aks synon përmirësimin e ndjeshëm të kushteve të jetesës, për banorët e këtyre fshatrave, duke përmirësuar paraprakisht; lëvizjen e mjeteve dhe njerëzve drejt tokave bujqësore, drejt rrugëve nacionale dhe qendrave urbane; si dhe rritjen e sigurisë për fëmijët gjatë lëvizjes në objektet arsimore të zonës,” bën me dije FSHZH.
SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.