Receta elektronike edhe në QSUT – Manastirliu: Më shumë transparencë me barnat e rimbursueshme
Receta elektronike ka nisur të aplikohet tashmë edhe në Qendrën Spitalore “Nënë Tereza”. Rreth 90 mjekë të kësaj qendre tashmë përmes sistemit të e-recetës kanë mundësi të shohin në sistem edhe historikun e trajtimit të pacientit.
Këto të fundit tashmë jo vetëm që do kenë më pak procedura burokratike për recetën me rimbursim, por po ashtu do të kenë më shumë siguri sa i takon trajtimit të tyre. Kjo, pasi sipas Ministrisë së Shëndetësisë me recetën elektronike eliminohet mundësia e gabimit njerëzor në përshkrimin e barnave me rimbursim.
Ministrja e Shëndetësisë së Mbrojtjes Sociale, Ogerta Manastirliu e ka cilësuar këtë një hap të rëndësishëm në drejtim të transparencës dhe kontrollit të barnave me rimbursim.
Aktualisht ky sistem përdoret nga 1400 mjekë të rajonit të Tiranës, Kamëz-Vorë, Durrësit, Fierit, Shkodrës, Korçës, Elbasanit, Vlorës, Beratit, Dibrës dhe Lushnjës. Ndërkohë, pritet të shtrihet në rajonet e Kukësit, Gjirokastrës, Sarandës, Tropojës e Lezhës brenda vitit 2018.
G.D/SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.