Reforma e ujit/ Puset familjare dhe ato për vaditje jashtë skemës së taksimit. Kategoritë që tarifohen nga shtetit
Gjatë dëgjesës me qytetarët në Dibër, Kryeministri Rama foli edhe për reformën e ujit, ku solli edhe një herë në vëmendje diskutimin për puset.
Konkretisht, gjatë fjalës së tij, ai tha se nuk bëhet fjalë për vendosjen e tarifës për puset familjare apo puset për vaditje, por foli për “puset industriale” apo puset që furnizojnë resortet.
“Diskutuam edhe për puset e famshme se qeveria është e vendosur të çojë para reformën në sektorin e ujit dhe jemi të vendosur të çojmë para luftën për vjedhjen e ujit. Nuk bëhet fjalë për puset familjare. Kur themi pus, themi puset industriale apo fabrikat, ka resorte turistike që furnizohen me puse dhe nuk paguajnë asnjë lekë. Kudo ku puset janë nderuar për vaditje, nuk bëhet fjalë për të vendosur taksa apo tarifën e konsumit.” u shpreh kryeministri, ku nënvizoi se askush nuk mund ta keqpërdorë këtë pasuri.
Rama gjatë kësaj dëgjese iu kërkoi qytetarëve për të shkuar te kompanitë e ujësjellësit për legalizuar lidhjet e paligjshme të ujit brenda 90 ditëve.
Osman Dedja/SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.