Reforma në administratën publike – Braçe: Asnjë tolerancë ndaj të korruptuarve e të paaftëve, të lirojnë vendin
Reforma në administratën publike ka mbledhur të mërkurën përfaqësues nga institucionet më të rëndësishme në vend, Zëvendëskryeministrin Erion Braçe, 4 Ministra, e përfaqësues të Bashkimit Europian.
Në fjalën hapëse të takimit, Braçe theksoi nevojën për një administratë të vogël me kosto të ulëta për taksapaguesit shqiptarë, por ç’është më e rëndësishme e zhveshur nga korrupsioni e me standardet e duhura profesionale.
Ai tha se të korruptuarit e të paaftët dhe emërimet politike nuk do të tolerohen më në administratë.
Ambasadori i Bashkimit Europian Luigi Soreca tha se administrata shqiptare duhet të jetë pjesë e zgjidhje dhe jo e problemit, siç ndodh jo rrallë. Ndërkohë që e përkufizoi reformën në administratë si një prej faktorëve kyç në çeljen e negociatave në qershor.
Ministrat e pranishëm në takim shpjeguan masat që do të merren në vijim nga institucionet përkatëse për vijimin e reformës.
Lorenc Rabeta/SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.