Reforma në Administratën Publike – Mesi: Në 2018, ristrukturimi i plotë i të gjitha institucioneve në varësi
Zëvendëskryeminsitrja, Senida Mesi ka ka raportuar sot në një seancë dëgjimore në Komisionin e Ligjeve për Reformën në Administratën Publike arritjet dhe sfidat gjatë vititt 2017 dhe planet e 2018 në këtë sektor.
Sipas Mesit, shndërrimi i administratës një një shërbyes me standarde për çdo qytetar e biznes ka qenë edhe ajo për të cilën qeveria shqiptare ka punuar gjatë vitit të kaluar.
Më tej, duke u ndalur te arritjet e vitit 2017, zëvendëskryeminsitrja deklraoi se ëhstë përmirësuar performanca e administratës publike, për punonjësit e së cilës ëhstë bërë edhe një rritje page me 10%.
“Më konkretisht, në 2017-të kemi realizuar përmirësimin e përformancës së administratës publike falë zbatimit rigoroz të legjislacionit për nëpunësin civil, përmirësimit të sistemit të rekrutimit, përforcimit të kapaciteteve të DAP e komunikimit ndër-institucional, si dhe zhvillimit e vënies në funksionim të Regjistrit Qendror të Personelit (HRMIS). Kemi gjithashtu mesatarisht një rritje të pagave prej 10%, ku kanë përfituar të gjithë nëpunësit dhe punonjësit e administratës publike”, theksoi Mesi.
Lidhur me reformën e ristrukturimit të ministrive dhe institucioneve të varësisë, Mesi tha se ky model i ri organizimi është bërë me qëllim vendosjen e qytetarit në qendër të qeverisjes.
“Me reformën e ristrukturimit, eleminojmë mbivendosjet, përmirësojmë funksionet dhe rrisim performancën e institucioneve”, shtoi më tej zë.kryeminsitrja.
Sa i takon planeve për vitin 2018 në këtë sektor, Mesi deklraoi se pritet të bëhet ristrukturimi i plotë dhe ndërtimi funksional e strukturor i të gjithë institucioneve në varësi.
E pranishme në këtë seancë dëgjimore, ishte gjithashtu edhe Drejtoresha e Departamentit të Administratës Publike (DAP), Albana Koçiu.
G.D/SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.