Reforma në drejtësi  – Ligjet votojnë rregulloren për anëtarët e KLGJ dhe KLP

Miratohet  rregullorja mbi të cilën  do të funksionimin e komisionit AD-HOC   që do të përzgjedh anëtarët  e KLGJ dhe KLP. Komisioni parlamentar i ligjeve ka  hapur rrugën  për fillimin  e reformës në drejtësi. Më herët në komision  sekretari i përgjithshëm i Kuvendit Genci Gjonçaj  paraqiti raportin e vlerësimit të kandidatëve në radhët e avokatëve , pedagogëve dhe shoqërisë civile për këto dy  institucione. Gjonçaj nënvizoi se ky raport nuk përjashton kandidatët.

“Raporti i Sekretari të Përgjithshëm të Kuvendit nuk përjashton kandidaturat e propozuara në listën e ONMS-së. Përkundrazi, ky raport kushtet ligjore që procesi të jetë konkurrues, i pastër dhe transparent. Ndërsa përzgjedhja e emrit është në tagrin e komisionit tuaj, në tagrin e nënkomisionit që do të krijoni dhe më tej në tagrin e deputetëve në seancën parlamentare. Sekretari i Përgjithshëm i Kuvendit i ka përcjellë në datën 15.01.2018 Komisionit Përhershëm Përgjegjës për Çështjet Ligjore në Kuvend raportin e vlerësimit, listën e kandidatëve që plotësojnë kushtet kushtetuese dhe ligjore, listën e kandidatëve të përjashtuar, raportin e ONM-së, praktikën e komisionit të Shoqërisë Civile dhe dosjet për secilin kandidat.”

Gjoncaj  theksoi se  numri  i kandidatëve  në këto 3 kategori për KLGJ dhe KLP nuk ka arritur kufirin minimal të kërkuar, duke detyruar sekretarinë të ripërsërisë disa herë thirrjen .

Nertila Doko/SCAN

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.