Reforma në Drejtësi, Paketë ndryshimesh në 10 ligje – Gjonaj: Shkarkojmë dosjet e Gjykatës së Lartë, SPAK do përqendrohet te çështjet e rëndësishme
Kuvendi ka miratuar të martën paketën me ndryshime në 10 ligje, qëllimi I së cilës është implementimi me efektiv i reformës në drejtësi. Ndryshimet u argumentuan para deputetëve nga Ministrja e Drejtësisë Etilda Gjonaj, sipas së cilës ato synojnë shkarkimin e stokut prej 38 mije dosjesh në Gjykatën e Lartë, si dhe zvarritjet e seancave dhe dosjeve të akumuluara ne apele dhe ne shkallen e pare.
Një prej ndryshimeve parashikon edhe heqjen nga kompetenca e SPAK-ut të dosjeve të vogla të korrupsionit, në mënyrë që kjo strukturë të përqendrohet të çështjet e rëndësishme, ndërkohë që vakancat e shumta në sistemin e drejtësisë do të amortizohen nga njësitë e ndihmësve ligjorë.
Ndryshimet parashikojnë edhe përmirësimin e procedurave përmes të cilave do të caktohen tre anëtarët e tjerë në Gjykatën Kushtetuese.
Lorenc Rabeta / SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.