Reforma në Drejtësi – Strategji për edukimin ligjor dhe rritjen e aksesit të publikut

Reforma në Drejtësi ka sjellë me vete domosdoshmërinë për rritjen e njohurive ligjore të qytetarëve.  Në Kuvendin e Shqipërisë është depozituar tashmë projekt strategjia “Për edukimin ligjor të publikut”, e cila tashmë gjendet në fazën e konsultimit. Në një tryezë e zhvilluar për këtë qëllim,  zëvendëskryetarja e Kuvendit të Vasilika Hysi tha se informacioni i publikut shqiptar mbi ligjet e veçanërisht mbi reformën në drejtësi është shumë i kufizuar.

“Pa dyshim janë ligje të reja, është koncept i ri në kuadër të reformës në drejtësi. Besoj të gjithë ndihemi të keqardhur që niveli ose kultura juridike sipas vlerësimeve në përgjithësi ka dalë jashtëzakonisht e ulët dhe njerëzit janë të pakënaqur me shërbimet se nuk i kuptojnë se ku jepen shërbimet, si jepen dhe kush i jep dhe shpesh i adresojnë kërkesat në institucione të gabuara.”

Gjetjet dhe konkluzionet e konsultimeve publike do të shërbejnë për punën e komisionit të Çështjeve Ligjore, në shqyrtimin e strategjisë që do të shtrihet deri në vitin 2022.

Lorenc Rabeta/SCAN

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.