Reforma në tregun e punës – Macron merr mbështetje të vakët nga Rumania
Presidenti i Francës, Emmanuel Macron, mori një mbështetje të vakët nga Rumania për iniciativën e tij, për të shtrënguar rregullat në Bashkimin Europian për punëtorët që vijnë nga vende me paga të ulëta.
Por, gjithsesi, Macron shprehu mbështetjen se, marrëveshja do të arrihet deri në fund të vitit. Presidenti i Rumanisë, Klaus Iohannis, deklaroi se shqetësimet e vendeve në lindje të Europës, por nuk dha detaje pas takimit të zhvilluar me Macron.
Presidenti francez synon të rishikojë sistemin që i lejon punëtorëve të punojnë në vende të tjera të Bashkimit Europian, për kontratat që kanë nevojë për të garantuar vetëm pagën minimale të vendit pritës, ndërsa taksat dhe detyrimet sociale paguhen në vendin e origjinës.
Sipas Macron, ky sistem krijon një konkurrencë të padrejtë për vendet e pasura si Franca dhe Gjermania.
“Jam i bindur se do të arrijmë një marrëveshje deri në fund të vitit”, deklaroi Macron, gjatë konferencës për mediat.
Ndërsa presidenti i Rumanisë deklaroi se, “në njërën anë ka pakënaqësi në Francë për punëtorët e padeklaruar, por në anën tjetër ka pakënaqësi edhe nga shumë njerëz në vendet e Europës Lindore, edhe në Rumani, të cilët dëshirojnë të punojnë në Francë, Gjermani, apo Spanjë”.
Në lidhje me këtë projekt, presidenti Macron ka fituar mbështetjen e Sllovakisë dhe Çekisë, duke realizuar një fitore ndaj qeverive euroskeptike, si Polonia dhe Hungaria, që janë përpjekur ta bllokojnë reformën.
Lidion Kulla/SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.