Reformë në sektorin e peshkimit, Kristo për SCAN: Barkat e vogla në “sitë”, fund paligjshmërisë 

Peshkimi i vogël bregdetar do të kalojë në sitën e një reforme të thellë të ndërmarrë nga Ministria e Bujqësisë.

I ftuar në studion e TV SCAN, Zëvendësministri Roland Kristo thekson se aktualisht, kjo degë e peshkimit është tërësisht jashtë kontrollit, në pjesën më të madhe ky aktivitet  është i paligjshëm dhe funksionon pa rregulla,  duke sjellë edhe efekte të shumta negative.

Kristo bën me dije se si është parashikuar të funksionojë reforma dhe si do të zbatohet në terren.

Sa i përket sektorit të peshkimit në tërësi, ai ka pasur ecuri pozitive gjatë vitit që lamë pas, ndërkohë janë parashikuar edhe një sërë politikash nga ana e Ministrisë së Bujqësisë, që do t’i japin shtysë zhvillimit të tij.

Elisabeta Dosku/SCAN

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.