Reformimi i Akademisë së Shkencave – Projektligji në kuvend, Gjermeni: E bën institucionin funksional

Komisioni parlamentar i   Edukimit dhe Mjeteve të Informimit Publik ka diskutuar  këtë të premte lidhur me nismën e  deputetëve të mazhorancës  për reformimin e Akademisë së Shkencave .  Projektligji i prezantuar , sipas deputetëve,   synon  ripërtëritjen e saj, krijimin e hapësirave për të rinjtë dhe gratë por edhe mundësisë për  zhvillimin e kërkimeve  shkencore duke i dhënë mundësi   të përfshihen edhe  akademikët  në diasporë .

Sipas projektligjit  parashikohet edhe krijimi i instituteve të cilat do të shërbejnë  për  kërkimet shkencore  gjë e cila  nuk është parë  pozitivisht nga ana e deputetes Mirela Kumbaro.

Deputetët nismëtarë  kërkuan  më shumë buxhet  nga ana  e qeverisë  për këtë  nismë.

Projekligji për reformimin e Akademisë së Shkencave pritet të kaloj për  diskutim në këshillin e ministrave për efektet financiare,  e më pas për miratimin  në parim në kuvend.

Nertila Doko / SCAN

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.