Regjistrim lobistëve shqiptarë! Kuvendi: Afati për dokumentacionin, 30 nëntori 2018!
Organizatat e shoqërisë civile, grupet e interesit, organizatat e biznesit, organizatat jofitimprurëse dhe lobistët të cilat janë të interesuar që të bashkëpunojnë e të kontribuojnë me Kuvendin për dhënien e mendimit për çështje të caktuara, për t’u përfshirë në diskutimet e projektligjeve si dhe për t’u përfshirë në regjistrin e lobizmit, grupeve të interesit dhe shoqërisë civile duhet që të paraqesin dokumentet përkatëse për t’u regjistruar.
Bazuar në vendimin e prillit të vitit 2018, “Për miratimin e Kodit të Sjelljes së Deputetit të Kuvendit të Shqipërisë”dhe Udhëzuesit të Detajuar për Sjelljen në Kuvend, të miratuar me 27 shtator 2018 Kuvendi i Shqipërisë ka bërë thirrjen publike për dorëzimin e dokumentacionit përkatës. Afati i caktuar është data 30 nëntor.
Referuar njoftimit të shpallur në faqen zyrtare të Kuvendit të Shqipërisë, të interesuarit duhet të paraqesin kërkesë për shprehje interesi, dokument që vërteton objektin e veprimtarisë që ushtron organizata në rastin e organizatës së shoqërisë civile, (sipas statutit), dokument që vërteton objektin e veprimtarisë së personit juridik si dhe cilat janë grupet e interesit që përfaqësohen prej tij (në rastin e dhomave të tregtisë), përcaktimin e komisionit pranë të cilit kërkojnë të akreditohen, në përputhje me objektin e veprimtarisë që ushtrojnë dhe fushën e përgjegjësisë së komisioneve të përhershme parlamentare si dhe të dhëna për adresën dhe personin e kontaktit të shoqatës
Njoftimi i plotë: https://www.parlament.al/News/Index/6937
SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.