Regjistrimet me shtesa në IAL – MASR: 24 tetori, afati i fundit për studentët poshtë vijës së kuqe

Vijojnë regjistrimet për të gjithë aplikantët për studentë të cilët janë të renditur sipas pikëve poshtë vijës së kuqe. Ministria  e Arsimit, Sportit  dhe Rinisë, përmes një udhëzimi të publikuar në fletoren zyrtare, cakton datën 24 tetor si afatin e fundit  të regjistrimit  të tyre.

Ndërkohë Ministria bën publike afatin e dorëzimit të listës me studentët fitues nga IAL-të. Data 27 tetor është afati i fundit për dorëzimin e listave.

Sipas udhëzimit të publikuar në fletoren zyrtare, këto institucione duhet t’i dorëzojnë listat në Qendrën e Shërbimeve Arsimore në formë shkresore ose elektronike me qëllim pajisjen e çdo studenti me numër matrikullimi. Pas kësaj date nuk do të procedohet me dhënien e numrave të matrikullimit dhe QSHA-ja u kërkon institucioneve të arsimit të lartë çregjistrimin e tyre.

Nertila Doko/SCAN

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.