Regjistrimi i adresave – MB: Përfitoni nga amnistia 6-mujore për të shmangur penalitetet
Të gjithë qytetarët që nuk kanë deklaruar adresat e vendbanimeve, duhet t’i regjistrojnë ato për të shmangur penalitetet. Ministria e Brendshme fton qytetarët që nuk kanë bërë ende korrigjimin e adresave që të përfitojnë nga amnistia 6-mujore për të bërë vetëdeklarimin e adresës, për të cilin nuk ka aktualisht nuk ka asnjë penalitet.
Për procedurën e regjistrimit ose të ndryshimit të vendbanimit, qytetarët duhet të jenë të pajisur me dokumentat e mëposhtme:
- Fotokopje të letërnjoftimit për çdo person madhor, anëtar të familjes;
- Dokumentin e pronësisë së banesës, ose kontratë qiramarrjeje, huadhënieje, përdorimi, banimi, apo çdo dokument tjetër të ligjshëm të parashikuar nga legjislacioni në fuqi, që i jep shtetasit të drejtën e përdorimit të banesës.
Afati i fundit për regjistrimin e tyre në regjistrat e gjendjes civile është përcaktuar data 9 maj 2019.
G.D/SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.