Rehabilitimi i blloqeve të banimit – Veliaj: Brenda vitit 2017 do të ndërhyjmë në 150 zona
Teksa inspektoi përfundimin e punimeve për rikualifikimin urban të bllokut të kufizuar nga rrugët “Muhamet Gjollesha” – “Myslym Shyri” – Rruga e “Kavajës”, kreu i Bashkisë, Erion Veliaj deklaroi se, falë ndërhyrjes është mundësuar transformimi i plotë, duke sjellë një përmirësim të cilësisë së jetës për të gjithë banorët.
“Kjo ka qenë një lagje që mund të jetë shumë afër Tiranës, por totalisht katrahurë në mënyrën se si ishte ndërtuar pa leje, në mënyrën se si ishte zënë hapësira publike, se si ishin zaptuar të gjitha terrenet, se si ishin bërë shtesat. Sot kemi një rezultat spektakolar. Kemi 38 rrugë, kemi gjetur disa hapësira ku kemi bërë sheshpushime, lulishte, kënde ku mund të kalojnë kohën e lirë qytetarët”.
Kreu i Bashkisë u bëri thirrje qytetarëve që të tregohen bashkëpunues dhe të mirëmbajnë investimet publike.
Veliaj kërkoi nga banorët që të zgjedhin administratorët e tyre, në mënyrë që të përfitojnë nga skemat për financimin e projekteve që i shërbejnë komunitetit. Veliaj siguroi se, do të vijojë puna për rehabilitimin brenda këtij viti të 50 blloqeve të banimit, duke e çuar në total numrin e tyre në 150.
Entela Barjamaj/SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.