Reklamat për investim në kriptovaluta – Google lajmëron ndalimin e tyre prej dëmit ndaj konsumatorëve
Gjiganti i teknologjisë në SHBA, Google, po gjurmon reklamat e lidhura me kriptovalutat. Kompania bëri të ditur se po përditëson politikat e reklamave mbi shërbimet financiare, për të ndaluar çdo reklamim mbi përmbajtjet e lidhura me kriptovalutat, përfshirë ofertat fillestare të valutave, portofolet dhe këshillat mbi tregtinë.
Kjo nënkupton se edhe firmat me oferta të rregullta mbi kriptovalutat nuk do të mund të reklamojnë në asnjë prej produkteve të Google, që vendos reklamat në faqen e vet por edhe në palë të treta. Ky përditësim do të bëhet efektiv në Qershor të këtij viti.
“Nuk kemi ndonjë parashikim të saktë për të ardhmen e kriptovalutave, por kemi parë mjaftueshëm dëme drejt konsumatorëve”, deklaron Google. Ky lajmërim është i ngjashëm me atë të Facebook më herët gjatë këtij viti. Ndërkohë që periudha e artë e kriptovalutave ka krijuar pasuri, kjo hapësirë është ende e parregulluar dhe ka krijuar shumë mashtrime me profil të lartë.
Google bëri të ditur se ka ndaluar më shumë se 3.2 miliardë reklama në vitin 2017 që nuk respektonin politikat e kompanisë, shifër 2 herë më e madhe se ajo e vitit 2016. Gjiganti i teknologjisë gjeneron thuajse 84% të totalit të të ardhurave nga reklamat, kështu që biondja e reklamuesve se ekosistemi është i sigurt dhe efektivë, ka rëndësi të madhe.
Klevis Llaha/SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.