Rekord historik turistësh – Prani e lartë në Spanjë gjatë nëntorit, Katalonja në rënie

Spanja ka regjistruar në muajin nëntor një rekord historik të turistëve, më e lartë se i gjithë viti 2016, por vetëm me një përjashtim, Katalonjën, që gjatë dy muajve të procesit indipendentist, ka humbur mbi 90 mijë vizitorë.

Sipas të dhënave të publikuara nga Instituti Kombëtar i Statistikave, shifrat e tregut katalan janë ana tjetër e medaljes krahasuar me të gjithë territorin e Spanjës, ku mbërritjet e turistëve u rritën në nëntor me 7,4%, deri në 4,4 milionë persona, duke arritur në 77,8 milionë gjatë 11-mujorit të vitit, ose 9,1% më shumë se e njëjta periudhë e vitit 2016.

Prania e vizitorëve të huaj gjatë gjithë vitit të kaluar arriti në shifrën rekord prej 75,3 milionë, ndërsa këtë vit pritet të regjistrojë një rezultat historik me mbi 80 milionë turistë, duke e bërë Spanjën destinacionin e parë turistik botëror, përpara Francës dhe Shteteve të Bashkuara të Amerikës.

dhe Katalonja, ku u regjistrua një rënie e turistëve të huaj për shkak të trazirave indipendentiste, zë 22,4% të tregut kombëtar të turizmit dhe destinacioni i dytë turistik pas ishujve Kanarie që arritën në 28,2%. Në vendin e tretë si destinacioni më i preferuar për turistët renditen ishujt Balearë me rreth 13,7 milionë vizitorë, në një rritje prej 6,2%.

Roel Korkuti/SCAN

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.