Rekord i ri me të shëruar nga Covid-19, MSH: “Në 24 orë 265 qytetarë e fituan betejën, 159 rezultuan pozitivë”
Gjatë 24 orëve të fundit kanë rezultuar pozitivë me koronavirus 159 persona, ndërsa për të dytën ditë me radhë janë kryer mbi 1 mijë testime. Gjithashtu, edhe numri i të shëruarve ka shënuar një rekord të ri, prej 265 qytetarësh
“Janë kryer 1085 testime në 24 orët e fundit, nga të cilët kanë rezultuar pozitivë 159 qytetarë të prekur nga virusi Sars-Cov2. Janë shëruar 265 qytetarë duke e çuar në 8342 numrin e të shëruarve në vend që prej fillimit të epidemisë”. 87 raste në Tiranë, 11 në Elbasan, 9 në Fier, 7 në Berat, 5 në Durrës, nga 4 raste në Korçë, Gjirokastër, nga 3 raste në Krujë, Lezhë, Vlorë, Dibër, Kuçovë, nga 2 raste në Shkodër, Klos, Gramsh, nga 1 rast në Lushnjë, Mirditë, Kamëz, Pogradec, Sarandë, Delvinë, Divjakë, Fushë-Arrëz, Memaliaj, Vorë, Cerrik”.
Ministria e Shëndetësisë i bën thirrje bizneseve që të zbatojnë me rigorozitet protokollet e sigurisë, për të ruajtur shëndetin e punonjësve dhe qytetarëve.
SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.