Rekord punësimi në SHBA – Për herë të parë në histori, 2.5 milion vende të reja pune brenda majit
Muaji maj regjistron një rritje me 2.5 milionë njësi të vendeve të punës në Shtetet e Bashkuara të Amerikës, ç`ka ka bërë që norma e papunësisë të zbresë në 13.3%. Kjo është rritja mujore më e parë në historinë amerikane. Kujtojmë se përpara shpërthimit të covid-19, papunësia amerikane kishte prekur nivelin rekord të ulët, rreth 3%.
Shifrat e muajit maj ndërkohë tregojnë një panorama bindshëm mbi pritshmëritë e tregjeve dhe analistëve, duke sinjalizuar se, kthesa e madhe ekonomike është shumë pranë. Pritshmëritë flisnin kështu për një rritje të mëtejshme të papunësisë, në 19.5%, nga 14.7% që ishte gjatë muajit prill. Në rast se këto pritshmëritë të Wall Street do të kishin rezultuar të sakta, atëherë Shtetet e Bashkuara të Amerikës do të kishin sot të dhënën më negative të tregut të punës që prej depresionit të madh.
Ekspertët tregojnë se, këto të dhëna sinjalizojnë se efektet e izolimit mbarëkombëtar nuk janë aq të rënda apo afat-gjatë nga çmund të mendonim dhe i frikësoheshim muaj më parë. Pas publikimit të këtyre të dhënave, tregjet u regjistruan në rritje të dukshme. Edhe Donald Trump ka reaguar me eufori pas të dhënave që flasin për rritjen më të madhe mujore të tregut të punës që prej vitit 1939.
SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.