Rekord të shëruarish nga Covid-19. Ministria e Shëndetësisë: 227 të shëruar, 93 raste të reja dhe 6 humbje jete në 24 orë

Një numër rekord personash janë shënuar nga Covid-19, në vendin tonë. 227 qytetarë e kanë fituar betejën më sëmundjen në 24 orët e fundit, ndërsa ka një ulje të lehtë në numrin e rasteve të reja, ku kanë rezultuar 93 të infektuar nga 812 testime.

“Sot në vendin tonë janë kryer 812 testime për vlerësimin e infektimit nga virusi SARS COV2, dhe 93 persona janë konfirmuar pozitivë me COVID-19.

Shpërndarja gjeografike e rasteve pozitive ditore është si vijon: 42 raste në Tiranë, 7 në Fier, 6 në Lushnje, 5 në Malësi e Madhe, nga 4 raste në Shkodër, Durrës, Korçë, Mirditë, 3 në Kavajë, nga 2 raste në Elbasan, Has, Vlorë, Librazhd, Gjirokastër, nga 1 rast në Devoll, Kamëz, Mat, Përmet.”

Sipas Ministrisë së Shëndetësisë, gjatë 24 orëve të fundit, kanë ndërruar jetë 6 qytetarë ndërsa në spitale po trajtohen 182 pacientë të konfirmuar pozitivë me COVID-19, 23 në terapi intensive, nga të cilët vetëm 7 pacientë janë të intubuar.

Ministria e Shëndetësisë dhe Mbrojtjes Sociale përsërit zbatimin e masave  nga qytetarët po ashtu edhe nga nxënësit e shkollave.

SCAN

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.