Rekordi/ A e dini se sa orë pune janë dashur për ndërtimin e gazsjellësit TAP, 878 km të gjatë?
Katër vjet e gjysmë pas përurimit të nisjes së ndërtimit të tubacionit në Selanik, Gazsjellësi Trans Adriatik (TAP), një sistem i transportimit të gazit prej 878 km i gjatë, i cili kalon nëpër Greqi, Shqipëri, detin Adriatik dhe Itali, ka filluar operimin tregtar.
Në një postim në rrjetet sociale, konsorciumi jep disa detaje interesante mes të cilave se për ndërtimin e kësaj vepre madhore u dëshën mbi 50 milionë ore pune dhe se ka vendosur një rekord sigurie në punë në rang botëror.
“Sot, një vizion afatgjatë u bë realitet! Jam shumë krenar për këtë arritje, që u bë e mundur pikë së pari, falë përkushtimit dhe angazhimit të njerëzve tanë e gjithkujt tjetër që është përfshirë, besimit të patundur e mbështetjes së palëkundur të aksionerëve, të gjitha qeverive në zinxhirin e vlerave dhe Bashkimin Evropian, si dhe kontraktorëve e furnitorëve që punuan në këtë projekt.
Si një operator i ri i sistemit të transmetimit, i zhvilluar dhe ndërtuar në përputhje me praktikat dhe standardet më të mira të industrisë, TAP-i mundëson një diversifikim të dyfishtë: një korridor i ri, i besueshëm dhe i qëndrueshëm energjie, si dhe një burim gazi për miliona përdorues evropianë, për dekadat që do të vijnë” ka deklaruar Luca Schieppati, Drejtori Menaxhues i TAP-it.
SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.