Renault pret të prodhojë 300 mijë makina më pak këtë vit – 210 miliardë dollarë dëm global nga mungesa e çipave!

Shefi ekzekutiv i Renault, Luca de Meo tha se prodhuesi francez i makinave pret të prodhojë 300,000 njësi më pak në 2022 sesa mund të kishte si rezultat i mungesës së vazhdueshme globale të çipave.

Renault prodhoi 500,000 makina më pak vitin e kaluar si rezultat i mungesës së çipave. Në shtator, firma konsulente AlixPartners parashikoi se mungesa e çipit do t’i kushtonte industrisë së automobilave 210 miliardë dollarë të ardhura.

“Situata tani është ende mjaft e komplikuar,” tha de Meo për CNBC Street Signs Europe të Premten.

De Meo tha se Renault pret që kriza e çipave të bëhet më pak e rëndë këtë vit, duke shtuar se një “situatë normale” duhet të rifillojë në gjysmën e dytë të 2022.

Komentet e tij erdhën pasi Renault raportoi një fitim neto prej 888 milionë euro (1 miliardë dollarë) për vitin 2021 të premten, duke tejkaluar vlerësimet. Prodhuesi i makinave pretendon se marzhi i tij operativ prej 3.6% e vendos atë dy vjet përpara planit të tij të “rigjallërimit të revolucionit”. “Renault është kthyer në rrugën e duhur”, tha de Meo.

Edel Strazimiri / SCAN

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.