Rënie e madhe e dërgesave të J&J në SHBA. Rreth 86% doza më pak këtë Javë, prej problemeve me fabrikën në Baltimore

Johnson & Johnson po shkurton dërgesat e vaksinës me një dozë të Covid-19 me 86% këtë Jave, ndërkohë që po përballet me probleme në manifakturë në një fabrikë gjigante në Baltimore.  Qeveria amerikane do shpërndajë vetëm 700,000 doza të J&J këtë Javë, nga 4.9 milionë që ishte norma në javën e kaluar, sipas Qendrës për Kontrollin dhe Parandalimin e Sëmundjeve në SHBA.  J&J po pret miratim rregullator për fabrikën në Baltimore dhe po bashkëpunon me Administratën e Barnave në SHBA për autorizim. Punëtorët në fabrikën në Baltimore disa javë më parë, përzien ingredientë të vaksinave të J&J me AstraZeneca, ç’ka solli prishjen e thuajse 15 milionë dozave të J&J.  Administrata e Biden e ka ngarkuar J&J me drejtimin e prodhimit tek fabrika dhe ka ndaluar prodhimin e vaksinës së AstraZeneca atje.  Pasi të marrë miratim, J&J do dërgojë deri në 8 milionë doza në Javë, sipas një deklarate të Shtëpisë së Bardhë.   Duke shtuar problemet, disa shtete kanë ndaluar përkohësisht vaksinën e J&J pasi disa njerëz raportuan efekte anësore. Departamenti i Shëndetit Publik në Georgia ndaloi të gjithë dozat në një qendër, pasi 8 persona raportuan efekte anësore.  Megjithatë, CDC theksoi se nuk ka zbuluar ndonjë arsye për shqetësim në lidhje me J&J.

Klevis Llaha / SCAN

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.