Repart i ri për Forcat Speciale ‘Renea’ – Rama: Së shpejti struktura dhe laboratorë modern edhe për Policinë e Shtetit dhe FNSH
Pikërisht sot në 107 vjetorin e Policisë së Shtetit është finalizuar projekti i repartit të ri bashkëkohor për forcat policore të Elitës ‘Renea’, sipas njoftimit të Kryeministrit të vendit Edi Rama të publikuar në faqen e tij zyrtare.
Gjatë fjalës së tij në vizitën e realizuar në ambientet e këtij reparti, Rama u shpreh se më në fund pas 30 vitesh sot Renea ka në dispozicion një strukturë e cila është në çdo aspekt dhe standard e ngjashme me strukturat e forcave policore të elitës në vendet europiane.
“Policia Shtetit po kryen një proces pastrimi të atyre që nuk janë të denjë për të përmes një vetingu që po ecën para me gjithë kujdesin e nevojshëm”, tha Rama. “Nëse me Renean sot ne ndjehemi kryelartë pasi shlyhem një borxh me këtë strukturë të re ultramoderne, mbetemi në borxh me Policinë e Shtetit deri kur të kemi vënë në dispozicion të studentëve një akademi sigurie dhe laboratorë shkencor të njëjtave standarde si këtu si dhe ndaj FNSH por po të njëjtat arsyeje,” u shpreh kryeministri gjatë deklaratës së tij.
NJË REPART I RI PËR FORCAT SPECIALE “RENEA” – 107 vjetori i Policisë së Shtetit, vjen me finalizimin e projektit të repartit bashkëkohor për forcat policore të elitës, të cilat pas 30 vjetësh do të kenë më në fund të njëjtat kushte si forcat simotra në Europë👍 #PoliciaqëDuam👮♀👮🏻për #ShqipërinëqëDuam🇦🇱☀
Posted by Edi Rama on Monday, January 13, 2020
Vizitë në mjediset e Repartit të Ri të Forcave Renea👍#PoliciaqëDuam👮♀👮🏻për #ShqipërinëqëDuam🇦🇱☀
Posted by Edi Rama on Monday, January 13, 2020
SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.