Reshje shiu dhe dëbore në të gjithë vendin – ARRSH: Nuk ka probleme me qarkullimin por ende po punohet për pastrimin e të gjitha akseve
Autoriteti Rrugor Shqiptar njofton se pas rënies së dendur të dëborës dhe reshjeve në të gjithë vendin është punuar dhe ende po punohet për pastrimin e të gjitha akseve rrugore me probleme.
Sipas njoftimit në Qarkun e Korçës kompanitë e mirëmbajtjes me mjetet borëpastruese dhe punëtorë kanë bërë pastrimin e këtyre akseve dhe shpërndarjen e kripës dhe nuk ka probleme me qarkullimin.
ARRSH njofton se në Rajonin Qendror po punohet për pastrimin e akseve ku ka pasur reshje bore. Rekomandohet lëvizja me zinxhir në Qafë Priskë-Qafë Mollë, Qafë Priskë -Shëngjergj, Trau Dajt-Teleferik ndërsa në Veri ka pasur reshje me intensitet të ulët, vazhdon puna për mirëmbajtjen dimërore.
SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.