Reshjet dhe mbushja e hidrocentraleve të Drinit, KESH: Shkarkimet në nivele minimale dhe pa pasoja

Korporata Elektroenergjitike Shqiptare informon se po vijon punën për administrimin e plotave në ujëmbledhësit e Hec-eve në kaskadën e lumit Drin duke vijuar të mbajë në nivele minimale prej disa ditëve shkarkimet nga porta e Hec Vau i Dejës.

“ Prurjet totale janë 2250 m3/s. Shkarkimet nga porta e Hec Vau Dejës vijojnë të jenë 500m3/s, sasi kjo, që nuk ndikon në rritjen e nivelit të ujit në zonën e nën Shkodrës” njofton KESH.

Nivelet e liqeneve janë:

• HEC Fierzë, 289.94 mmnd (296 mmnd niveli maksimal i liqenit)
• HEC Koman, 172.94 mmnd (176 mmnd niveli maksimal i liqenit)
• HEC Vau Dejës, 71.94 mmnd (76 mmnd niveli maksimal i liqeni)

KESH po prodhon me kapacitete maksimale duke garantuar furnizimin e plotë me energji elektrike të konsumatorit vendas.

SCAN

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.