Respektimi i protokolleve të sigurisë në biznese, kopshte dhe shkolla – AKU kryen mbi 700 kontrolle dhe vendos 16 masa administrative

Trupat inspektuese të Autoritetit Kombëtar të Ushqimit kanë realizuar gjatë 24 orëve të fundit 744 inspektime dhe monitorime edhe si pjesë e Task-Forcës Anti Covid.

Sipas AKU gjatë inspektimeve nëpër biznese ushqimore janë dhënë 16 masa me paralajmërim përgjithësisht për rinovim të librezave shëndetësore dhe rinovim të analizave të ujit ndërsa referuar Planit të Marrjes së Mostrave janë marrë 32 mostra në monitorim të qumështit dhe në analizim të fruta-perimeve për mbetje pesticide.

AKU bën me dije se si pjesë e Task-Forcës po vijon me monitorimet në të gjitha  kategoritë e bizneseve dhe në kopshte e shkolla për zbatim të protokolleve të sigurisë.

SCAN

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.