Reuters: Tubacioni i TAP kalon malet shkëmbore të Shqipërisë
TAP (Tubacioni Trans Adriatik) ka kaluar malet shkëmbore të Shqipërisë, duke e vënë atë në rrugën e duhur për të filluar furnizimin me gaz në Europë vitin e ardhshëm.
Me një shtrirje prej 878 km nga kufiri i Turqisë në të gjithë Greqinë, malet e Shqipërisë dhe Detin Adriatik në Itali, TAP është një gur themeli i politikës së Bashkimit Europian për sigurimin e energjisë me qëllim largimin nga blloku të gazit rus.
Tubacioni do të transportojë deri në 10 miliard metra kub të gazit natyror në vit nga fusha e “Shah Deniz II” e Azerbajxhanit drejt Italisë duke filluar nga viti i ardhshëm.
Nga kostoja totale e TAP-it prej 4.5 miliard euro, seksioni në të gjithë Shqipërinë ka kushtuar një të tretën për shkak të terrenit sfidues.
“Ne jemi krenar që kemi ngritur këtë sfidë dhe kemi furnizuar një tubacion të klasit botëror që kalon malet mbi 2.000 metra mbi nivelin e detit” tha Malfor Nuri, drejtori i TAP në Shqipëri për Reuters. Nuri shtoi për prestigjiozen se TAP është investimi më i madh i huaj në Shqipëri.
Tubacioni kaloi lumenj 19 herë, duke përfshirë edhe lumin Seman tetë herë. Punët ndërtimore u ndalën në kohë për të lejuar që pëllumbat të ndërtojnë foletë e tyre sipas rregullave mjedisore.
Burimi: Reuters
Jenida Vladi/SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.