Revista gjermane e udhëtimeve: “Shqipëria, mes detit dhe malit. Nëse jeni në Llogara mund t’i shihni pamjet mahnitëse sikur të ishit në një avion”
Serish pamjet e mrekullueshme nga bregdeti shqiptar, por edhe nga zonat kodrinore apo malet që e “shoqërojnë” atë, kanë qenë në fokus të mediave ndërkombëtare.
Tashmë shoqata gjermane e sporteve malore, DAV (Deutscher Alpenverein), e cila boton një nga revistat e udhëtimeve në Gjermani publikoi kohët e fundit një artikull për vendin tonë, veçanërisht për Shqipërinë Jugore, artikull ky i shkruar nga gazetari Joachim Chwasczca.
Më poshtë kemi përzgjedhur disa nga përshkrimet që artikulli i bën pamjeve në jug të vendit: “Peizazhet mesdhetare të Shqipërisë jugore mund të shijohen me ecje ose me biçikletë, në rrugë me pamje spektakolare nga deti. Qafa e Llogarasë është një nga rrugët më të bukura në Shqipëri, është një kalim i lartë malor, me pikën më të lartë prej 1, 027 m brenda maleve përgjatë Rivierës Shqiptare. Ky vend ju lejon të shihni pamjet e të gjithë zonës. E në fakt, duket sikur po i shihni pamjen me një aeroplan”, shkruhet në artikull.
Për artikullin e plotë klikoni këtu
Përshtati: Osman Dedja/SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.